Burkay: HAK-PAR Dengê Gel e
Meşa Partiya Maf û Azadiyan (HAK-PAR) ku 27ê mehê dest pê kiribû, Piştî Meletyê, Elazîzê, Dêrsimê, Qereqoçanê û Girîdaxê, îro giha Wan û Tatwanê.
Heyeta HAK-PARê bi otobosa Partiyê û çend otomobîlan îro sibê ji Girîdaxê bi rêket û dema nîvro giha bajarê Wanê. Konvoy bi marşa Partiyê, kilamên Kurdî û bi anonseke Kurdî û Tirkî kete bajêr. Di anonsê da usa dihate gotin:
Gelê me yê Wanê yê ezîz! Xwîşk û birayên delal! Ji we re merhaba!
Em wek Partiya Maf û Azadiyan îro bi heyetekê bajarê we ziyaret dikin. Serokê Partiya me Birêz Kemal Burkay jî bi me re ye. Silav ji we re!
HAK-PAR partiya azadî, aşitî û demokratiyê ye.
HAK-PAR ji bo çareseriya pirsa Kurd federasyonê dixwaze.
Ji bo perwerde bi zimanê Kurdi HAK-PAR!
Ji bo azadî û aşitîyê HAK-PAR!
Ji bo destûreke demokrat HAK-PAR!
Dem dema HAK-PARê ye!
Heyeta HAK-PARê di nava bajêr da ji bas û otomobîlên xwe peya bûn û meşîyan, beyana Partiyê ya bi Kurdî Tirkî li xelkê belav kirin. Xelkê bajêr ji wan ra eleqeyeke germ nîşan da. Piştra çûn navenda Partiyê û li wir bi heval hogir û mêvanan ra sohbet kirin.
Piştî nîvro heyeta HAK-PARê bi rêket û hat Tatwanê û li wir jî bi marşa Partiyê, bi stranên Kurdî û bi anonsên Kurdî û Tirkî ketin bajêr. Li nava Tatwanê peya bûn û meşîn, belavokên Partiyê belav kirin. Xelkê Tatwanê jî ji wan ra eleqeyeke germ nîşan da.
Heyet bi meş hat pêşîya buroya Partiyê. Li wir xelk kom bûbû û buroya Partiyê wê bihata vekirin. Serokê HAK-PARê yê gişti hilkişî ser otobosa Partiyê û axaftinek kir. Burkay di axaftına xwe de usa got:
“Xelkê me yê Tatwanê yê ezîz! Ez gelek kêfxweş im ku îro tevî hevalên xwe li Tatwanê me. Ez berî sala 1980 gelek caran hatibûm Tatwanê, îro jî bo vekirina rêxistina HAK-PARê, beşa Tatwanê li vir im.”
Burkay di axaftina xwe da behsa siyaseta partiya xwe kir û got bernama HAK-PARê ji bo çareseriya pirsa Kurd û pirsên dinê zelal e. HAK-PAR federasyonê dixwaze li ser esasê wekheviyê. Her usa jî demokratiyeke fireh dixwaze ji bo Tirkîyê û Kurdistanê. HAK-PAR mafê gel yên bingehîn diparêze. HAK-PAR dengê gel e.”
Burkay û hevalên xwe piştra çûn pêşiya buroya HAK-PARê, Burkay li wir hevalên ku ji bo vekirina rêxistina Tatwanê keda wan heye piroz kir û ji wan ra serkevtin xwast.
Heyeta HAK-PARê sibe jî meşa xwe ber bi Batman û Amedê wê bidomîne.
HAK-PAR; Navenda Nûçeyan
31 Çirîya Pêşîn, 2013
About Post Author
