Şaxê Amedê ya Partiya Maf û Azadiyan (HAK-PAR) bi endamê Mekteba Siyasî ya Partiya Demokrata Pêşverû ya Kurd li Sûriyê (PDPKS) Selah Derwêş re gotûbêjek çêkir.
Li Amedê, di 18ê hezîranê de, Endamê Mekteba Siyasî ya Partiya Demokrata Pêşverû ya Kurd li Sûriyê(PDPKS) Selah Derwêş, bi endam û rêvebirên Partiya Maf û Azadiyan HAK-PARê ra tecrubeyên şoreşa Rojava parvekir.
Selah Derwêş, ji aliyê cîgirê Serokê Giştî Bayram Bozyel û endam û rêvebirên HAK-PARê ve hat pêşwazî kirin.
Gotûbêja ku li avahiya HAK-PARê ya şaxê Amedê de pêk hat, Derwêş diyar kir ku Kurd, li Rojava dixwazin, bi rêbazên aşîtiyane bigêhin maf û azadiyên xwe destxin. Statûyek nû saz bikin. Selah destnîşan kir ku, him di nav partiyên Kurdan de, him jî bi partiyên azadîxwaz re hevkarî, û yekîtî çêkirine.
Selah Derwêş daxwaz kir ku, hemû partî û rêxistinên Kurd alikariya Şoreşe Rojava bikin, lê mudaxleyî siyaseta wan nekin.
About Post Author
