Fehmî Demîr li goristanê hate yadkirin.

Serokê Giştîyê berê a Partîye Maf û Azadîyan-HAK-PAR li goristanê hate
yadkirin.

Roja 29. 10. 3016’yan, serokê HAK-PAR’ê Refik KARAKOÇ, rêveberên partîyê, siyasetmedar İbrahim Güçlü malbat û nas û dostên Fehmi DEMİR di gel girseyek ji gelê ÎNCOW’ê li ser menzelê Fehmi Demir civîyan û nemir Fehmi Demir, bi merasimek yad kirin.

Di merasimê de (rengûresmê)dû darên çam û çinarê ku rêzdar Kemal Burkay şandibu, li ser gorên Fehmi û Yılmaz Demir hatin çikandin. Girseya yadkirinê bi sazûmankarîya şaxî Yeniceobayê ( İncow) ber bi goristanê meşeke bêdeng sazkir.

Biranîn bi pêşkêşkirina Cigirê Serokê Giştîyê HAK-PARê Latif Epözdemir, saet di 13. 00 yan de destpê kir. Latif Epözdemir di axaftina xwe de:” Em îro wek mêhvanê Fehmi li vira civîyane. Ez bawerim ku ew niha me dibîne û dibihîze. Berya salek ji nav me koçber bibû. Lê di yada mine cîhê wî û bîranînên wî her zindîne wek salek berê. Xeyaleke Fehmi hebû. Avakirina Kurdistanek, azad û demokrat, jiyaneke şad û bextîyar. Ew xeyal a me hevrê û hemu alîgirên HAK-PARê ye jî. Ew negehişte vê armancê. Lê emê xebata di vê rê de her tim bimeşînin. ”

Paşî Serokê HAK-PAR’ê Refik KARAKOÇ dest bi axaftina xwe kir. Karakoç wiha got:”Min cara yekem malbata Demir di 12’yê Êıûnê de, li zindana Diyarbekir bi saya Yilmaz Demir nas kir. Em di heman qawişê de bûn. Yilmaz hovîtiya zordestan riswa kir jîyana xwe fedayê azadîya Kurdistanê kir. Piştî ku ez ji zindanê derketim mink arî ku ez Fehmî nas bikim. Em bûne hevalbendên hev û me bi salan digel hev kar kir. Fehmî ala tekoşîna pîroz a Yilmaz hilgirt û kete nav refên xebatê.

Fehmi Demir, di tekoşîna azadiya Kurdistanê de, kadryêke here bijare û serketî û bi biryar bû. Ewî hemû jîyana xwe di vê rêya pîroz de seferber kiribû. Di hemû rêxistinên bakûrê Kurdistanê de cîyê xwe girt.
Di tekoşîna azadîya Kurdistanê de gelek erkên giring da ser milê xwe. Yek ji rêveber û damêzrênerên HAK-PAR’ê bû. Paşî bu serokê HAK-PAR’ê. Di vê demedê ketibû rê û ji bo civîneke partîyê berê xwe dabû Mêrsîn’ê. Lê heyf û mixabin kû Fehmî di rê de qezayek derbas kir û ji nav me keçber bû, jîyana xwe ji dest da.

Emê doza wî a kû liser jîyana xwe feda kiribû, bi dil o can bimeşînin. Em wî bi rêz û hirmet bibîr tînin. ”

Pişti axaftina Karakoç, bi rêz ve sîyasetmedar İbrahim Güçlü, Arif Sevinç. Cafer Stêrk, müzafer Özgür, Reşat Behçet, Eyub Akdeniz, Hasan Şeşeloğulları û serokê şaxê HAK-PARê a konyayê Osman sarıtaş bi kûrtasî bîranînên xwe derheqê Fehmi de anîn ziman. Medîne Kerpiç kû helbestek bi Tûrkî bi navê “Fehmi Yoldaş” li ser Fehmi Demir nivisandibû xwend.
Axaftineke balkêş jî, ji alîyê Cîgirê serokê HAK-PARê Arif Sevinç ve hate kirin. Arif Sevinç di axaftina xwe de:” Em şervanekî azadîyê, Fehmî Demîr bi rêz bîr tînin

Îro, roja salvegera yekem ya hevalekî me yê gelek qedirbilind
û ezîz Fehmî Demîr e.

Fehmî Demîr yek ji kadroyên bijare yê têkoşîna Gelê Kurd a azadî û demokrasîyê bû. Wî hemû jîyana xwe pêşkêşî şerê azadîyê kiribû.

Em wî, li her gaveke nû, her çalakî, xebat û avakirineke nû ya ku mohra xwe li 30-40 salên dawîn ê têkoşîna azadîya Kurdistana Bakur xistîye dibînin.

Ew, di rêya azadî ya bi pêşengîya Kemal Burkay da, ji bo rizgarîya Gelê Kurd bi bawerî, zanîn û mêrxasî meşîya.

Tu wextê sist û bêhêvî nebû. Tu wextê pey mal û milk neket,
ji kursî û meqaman re tenezul nekir.

Dema ji nav me barkir û çû, li dû xwe gelek bîranînên xweş yên serbilindîyê, navekî rûmetbilind û alayeke têkoşînê ji mer e hîşt.
Em soz didin, wê ala ku wî bi şeref hildabû bilindtir hilgirin.
Ne zordestîya dijmin, ne tehdîdên provokatoran
ne jî qedirnezanî û bêbextîya qaşo hin hevrêyên wî,
nikaribûn wî ji têkoşînê sar bikin, ji rêya wî vegerînin.
Bi karekterê xwe yê sade, durust, xwedî prensîp û bi têkoşerîya xwe ji me hemîyan re bû nimûne. Em jê gelek tişt hînbûn.
Me hevrêyekî xwe, dostekî xwe windakir, Gelê Kurd jî ewladekî xwe yê mêrxas windakir.
Ew bi her awayî şervanekî azadîyê bû.
Em careke din wî bi rêz bi bîr tînin”Got.
Piştî merasima bîranîna Fehmî girseya HAK-PARê çû Qerecdaxê ser menzelê Mistefa Taşçı û bi gûl û qerenfîlan gora Mistefayê nemir xemiland. Heval û hogirên Mistefa wî jî bi dilgermî yad kirin