19 C
Diyarbakır
Perşembe, Ekim 21, 2021

HAK-PAR: NÎZAMA DIJÎ KURD LI SER KAR E

Yaklaşık okuma süresi: 2 dakika

PKK ketiye bin kontrola herêmî ya dijî Kurdan, hewldanên xwe yên ji bo tesfandina têkoşîna azadî û serxwebûnê ya Kurdan a li Rojava û Başûr dewam dike.

Herî dawî di 5ê Hezîrana 2021an de li Metîna ku bi navê Serê Amêdî tê naskirin li navçeya Amêdiyê ya Dihokê PKKê bi roketavêjê êrîşî karwaneke pêşmergeyan a ku ji bo mayînan diçû li derdora baregehên ku hêzên pêşmerge lê bi cîh bibûn kir. Mixabin di vê êrîşa xapînokî de roketek li wesayîta zirxî ya ku tîmên bêbandorkirina mayînan ên hêzên Pêşmergeyên Zêrevanî (Hêzên Taybet) tê de bûn ket.  5 pêşmerge şehîd ketin, 6 pêşmerge jî birîndar bûn.

PKK di bin ferman û xizmeta herêmî ya dijî Kurdan e, bi êrîşên wiha li herêmê cih ji artêşa Tirk re vedike û xizmetê ji Tirkiyê re dike ku van deran dagir bike û qereqolan ava bike. Niha bi awayekî teqez tê zanîn ku PKK dixwaze artêşa Tirk li herêmên stratejîk ên di nava Herêma Kurdistanê de bi cih bibe. Ev êrîşa PKK’ê ne ya yekemîn e, lê beriya vê li Akrê, Sîdekan, Duhok û Zaxo gelek êrîşên bi vî rengî hebûn. PKK ji bo statuya rewa ya Başûrê Kurdistanê xera bike her tiştî hewl dide, gelek caran êrîşên bi heman rengî li hemberî hêzên pêşmerge dike.

HAK-PAR bang li raya giştî ya welatparêz, demokrat, Kurd û hemû welathezan, sazî û rêxistinên welatparêz û her wiha ji bo beşên aştîxwaz û humanîst dike;

– Dem hatiye ku li dijî PKKyê,  Kurd û Kurdistan bibe yek û bibin yek deng û yek dil. Divê welatparêz li hemberî hemû hewldanên dijminane yên PKK’ê hesas bin. PKK ketiye destê dijminên Kurdan, divê bi tundî were şermezarkirin, divê hêzên welatparêz ên li hemû parçeyan ji van êrîşên dijminane yên PKK’ê nerazîbûna xwe nîşan bidin û ji bo parastina destkeftiyên Li Rojava û Başûr bibin yek.

Weke HAK-PAR’ê em careke din dibêjin ku divê hewldanên PKK’ê yên ji bo ji holê rakirina mafên hatine bidestxistin ên li Rojava û Başûr bên tesfiyekirin û ev rêxistinbûna antî Kurd bê aşkerakirin.

– Divê PKK tavilê ji Kurdistanê bê derxistin.

Em ji pêşmergeyên ku di encama êrîşa PKKê de şêhîd ketine re rehmetê dixwazin û sersaxiyê ji malbatên wan re dixwazin û şifaya xêrê ji pêşmergeyên birîndar re dixwazin.

NİVSÎNGEHA RAGEYANDİN Û ÇAPEMENÎYÊ A HAK-PAR’Ê

İlgili İçerikler

İletişimde Kalın

22,974BeğenenlerBeğen
0TakipçilerTakip Et
3,268TakipçilerTakip Et
0AbonelerAbone

Son Eklenenler