Newroz; vîrî ma kurdan de, hewnî Zerdeşto kal de, hêvî û waşteyek o…
Newroz, yew roja newî, yew cuya newî, yew vîro newe, yew eşqo newe, yew zerra newî û dinyaya newî ya.
Newrozî ma, emserî şertanî girewteyan de vîyareno. Newroz roşon o û yew roşono wina yo ke însan yenî pîyehet, varar şinî yew bîn ra, pîya govend genî. Heyf ke semedê xo pandemî ya ke heme dinya de bîya vila, ra qorikerdene, emser ma nêşkenî Newroz tehmî weş û şenayî de fîraz bikeri. Ma hêvî kenî ke yew roj cuwa vero însanîye na felaket ra bixelisîyo û ma heme sey verî, roşan û şenayî de bi zerweşî verar şimi yewbîn ra.
Newroz, semedê heme kurdana yew sond o, newroz yew ehd o, yew qewl o, yew bexto sipî yo, newroz Kawayo Asinkar ra, Medan ra, babî û pîrikan ra yew mîjdan a. Newroz, rayirî azadîyê Kurdîstan de yew bawerîyo paye berz o.
No serdemo newe de, yew roşnayî roşn dana ke mîyan de azadîyê kurdan aysena. No serdemo newe, serdemî Kurd û Kurdîstan o. Ganî kurd keys, mecal û firsatanî no serdem ra yew feydeyo hol bigerî. Başûr de yew Kurdîstano xoser awan bikerî, parçeyanî bînan de zî, verba yew cûya federal, seycîye gaman bierzî.
Partîyê Maf û Azadîyan, roja ajdayene û xoverodayene û newe ra cuyayene Miletê Kurd Newrozî, bi coş silam kena.
Newroz û roja newe yê kurdan bixêr bo.
Hêvîyê me na ya ke însanheskerdoxî dinya, cematî mîyanneteweyî, goşî xo bidî ax û nalayenî şarî kurd.
Partîyê Maf û Azadîyan hêvîdara ke Newroz sey name û mehnayî xo, seraserî Kurdîstan de bibo yew destpêko newe.
Ma, bi hîsanî tor germin, roşanî netewî yê şarî kurd fîraz kenî.
Hêvîdara ke nûrî Newroz felaketa sereyî kurdan bibo çare û derman semedê.
Hêvîdara ke şewqî Newrozî şefqat bikero zerrê kîndaran û zaliman.
Partîya Maf û Azadîyan hêvîdara ke Newroz sey name û mehnayî xo, seraserî Kurdîstan de bibo yew destpêko newe.
Ma, bi hîsanî tor germin, roşanî netewî yê şarî kurd fîraz kenî.
Heme rojî şima Newroz bî, Newrozî şima fîraz bo.
BUROYÊ AGAHDAR KERDEN Û ÇAPAMENÎYÊ
PARTÎYA MAF Û AZADÎYAN / HAK-PAR
About Post Author
