HAK-PAR SERDANA HİZBA DEMOKRATA KURDİSTANA ÎRANÊ KİR
Îro roja Yekşemê, Partiya Maf û Azadiyan – HAK-PAR ji bo xurtkirina têkiliyê ya bi partiyên parçeyên din re, bi serpereştiya Serokê Giştî yê HAK-PARê Letîf Epozdemîr, Cîgirê Serokê Giştî û Berpirsê Peywendiyên Derve Zana Sezen, Endamê Meclîsa Partiyê
Ramazan Tosun, Endamên HAK-PARê Omer Kuş, Remzî Nîgît û Ebdullah Oflas serdana baregeha Hizba Demokrata Kurdistana Îranê kir.
Ser navê Hizba Demokrata Kurdistana Îranê, Mistefa Hicrî (Serokê Giştî), Hesen Şerefî (Cîgirê Yekem ê Serokê Giştî), Mihemed Nezîf Qadirî (Cîgirê Duyem ê Serokê Giştî) û Fûad Xakî (Endamê Desteya Kargêriyê) pêşwaziya heyeta HAK-PARê kirin û guftûgo li ser kar û xebatên çar parçeyên Kurdistanê, xurtkirina têkiliyan û rêzgirtina xebatên parçeyan hate kir.
Serokê Giştî Letîf Epozdemîr agahî li ser kar û xebatên HAK-PARê, amadehiya ji bo hilbijartinan û li ser rewşa Bakurê Kurdistanê da û qala girîngiya rêzgirtina xebatên siyasiyên li parçeyên din ên Kurdistanê kir.
Hizba Demokrata Kurdistana Îranê ji bo xebata amadehiya hilbijartinan serkeftin ji Partiya Maf û Azadiyan re xwest. Peywendiyên di navbera her du aliyan de mijareke din a civînê bû.
Serdana Partiya Maf û Azadiyan / HAK-PAR piştî xatirxwestinê bi dawî hat.
NİVSÎNGEHA RAGEYANDİN Û ÇAPEMENÎYA PARTÎYA MAF Û AZADÎYAN / HAK-PAR’Ê
About Post Author
