GÜNCEL

Haberler

SERSAXIYÊ JI BO DAYIKA HUSEYN YEZDANPENA

Roja 09.01.2021ê HAK-PAR, PDK-Bakur û PSKê ji bo serxweşiya dayika Huseyn Yezdanpena serdana ofîsa PAKê ya li Hewlêr kirin.

Li ser navê HAK-PARê Cîgirê Serok û Berpisyarê Têkiliyên Derve Zana SEZEN, endamê meclîsa partiyê Cengîz TEMEL, Şiyar Şerîf, Berdevkê PDK-Bakur Hişyar ÖZALP, Hêjayê Mele Şewqî û Nûnerê Hewlêrê yê PSKê Velî KOPARAN beşdar bûn.

Heyet ji aliyê Serokê Giştî yê PAKê Huseyn Yezdanpena û berpirsyaran ve bi germî hate pêşwazî kirin.

Huseyn Yezdanpena kêfxweşiya xwe ji bo beşdariya bi hev re ya her sê partiyan anî ziman û got ev helwesta gelekî girîng e.
Li ser navê HAK-PARê Cîgirê Serok Zana SEZEN sersaxî li Huseyn Yezdanpena kir.
Zana SEZEN qala girîngiya bi hevrebûna hêzên welatparêz jî kir û got divê hevkarî û diyaloga di navbera hêzên welatparêz de berdewam bibe.

Zana SEZEN di berdewamiya axaftina xwe de bal kişand ser piştgirîkirina parçeyan, têkiliyên partî û rêxistinan û rêzgirtina xweseriya tekoşîna parçeyan.

Berdevkê PDK-Bakur Hişyar Özalp jî sersaxî li Huseyn Yezdanpena kir û di derbarê rojeva Bakur de çend agahî parve kirin.

Serdan bi daxwaza xurtkirina diyalog û hevkariyê bi dawî hat.

HAK-PAR Basın Bürosu